عادل الفتلاوي
10-06-2008, 05:22 PM
أسمحولي بهذه القصيدة الرائعة للشاعر الشعبي العراقي العظيم
عريان السيد خلف/ باللهجة العراقية
كاسرت عمري اعله عمرك
كطعت ليش . . وحِـركتك
جويه مني وجويه منّك
وانتشيت . .استاهلك . . شهكة عوافي
وخيّبت ظني . . وصدك ويّاي ظنك
ماكلت عنك . . عرك جفّك ابجفّي
ولا كلت جاسك زعل . .
واشتعل دمي ابنار دمّك
أصعب . .وتستسهل اتشاغل خيالي
وياخذك غيّك . . خرز خلخال . . تِـطّــشّـر وألمّك
ومدري ليش . . أتمايزك وردة اكرنفل
اِتّيه روحي ابريحتك . .
واحتار من ياصفحه اشمّك
من جمعني وياك... من شدني ويه طولك....
طعمك بيه وصرت حلوك ومرّك
لنهه ما بالغبشه غبشه بغير عينيك....
خاف أترز بيك حد كطع النفس.....
وأزهك وأضرّك
خاف تاخذني . . اعله بستانك فرحِتي . .
وخاف تكبر حيرتي . .
وحسنك يغرّك
خاف تِطشّر ولك . . وشلون المّك ! ؟
كالو : يحبك ! !
كلت من شاف كلبه ؟
وجبّست دمعي . .
وسكن نبض الكلب . .
عن لا يذمّك
تِرسْ جفّي . . اسوالفك وحده اعله وحده
وعرك جيدك زمزمي . .
وخجلان تتعذّر !
واكلّك : لايهمّك
من تجِسني اشفايفك
تاخذني غيبه !
ومن تِرِشْني ابمزنِتَك . . ولهان افز . .
لن روحي يمّك ؟
اختلي ابحسنك . . وأفج كلبي واطلعك
تلعب ابعمري . . وخاف الغير يندلّك وأضمّك
اشجان ضرّك . .
تختصر بعدك عليه ؟
وكلّي شكرات وحمد
للمختصر . . حسنك ابخصرك
تشرب معافي . . حناني ولهفتي
وتسكر ابدمي . .
وتنتشي ابغيّ الشذى . .
وتتعزّل اعزال من اجرّك
ومن كبل .. كل شوك عمري من الطوارف
حسبت مثل الوداد .. الراح ودّك
من كبل .. وهسه الورع كحل اجفوني..
وجنت اظن...
وكت التهد بيه روحي اهدك ..
لني كلما فززن صبري الليالي ..
وخان وكتي
اتوسلك .. هدوة كت خليني عندك
او عاذرك .. لو هدل عودك ..
من كدر يحمل حسن مثلك وكدك ؟
عاذرك تغلط ابحكي ..
وتبخل ابظلك على النايم ابسدك
عاذرك تغتاض ..
بس من غير شاره ..
وشارتك هالبينت
ودخيل جدك
عاذرك .. عن لايهم كلبك ابهمي
وتنترس عينك دمع
وتسيل كحلته عله خدك
وأنا حاضر لتفسير الكلمات الغريبة
عريان السيد خلف/ باللهجة العراقية
كاسرت عمري اعله عمرك
كطعت ليش . . وحِـركتك
جويه مني وجويه منّك
وانتشيت . .استاهلك . . شهكة عوافي
وخيّبت ظني . . وصدك ويّاي ظنك
ماكلت عنك . . عرك جفّك ابجفّي
ولا كلت جاسك زعل . .
واشتعل دمي ابنار دمّك
أصعب . .وتستسهل اتشاغل خيالي
وياخذك غيّك . . خرز خلخال . . تِـطّــشّـر وألمّك
ومدري ليش . . أتمايزك وردة اكرنفل
اِتّيه روحي ابريحتك . .
واحتار من ياصفحه اشمّك
من جمعني وياك... من شدني ويه طولك....
طعمك بيه وصرت حلوك ومرّك
لنهه ما بالغبشه غبشه بغير عينيك....
خاف أترز بيك حد كطع النفس.....
وأزهك وأضرّك
خاف تاخذني . . اعله بستانك فرحِتي . .
وخاف تكبر حيرتي . .
وحسنك يغرّك
خاف تِطشّر ولك . . وشلون المّك ! ؟
كالو : يحبك ! !
كلت من شاف كلبه ؟
وجبّست دمعي . .
وسكن نبض الكلب . .
عن لا يذمّك
تِرسْ جفّي . . اسوالفك وحده اعله وحده
وعرك جيدك زمزمي . .
وخجلان تتعذّر !
واكلّك : لايهمّك
من تجِسني اشفايفك
تاخذني غيبه !
ومن تِرِشْني ابمزنِتَك . . ولهان افز . .
لن روحي يمّك ؟
اختلي ابحسنك . . وأفج كلبي واطلعك
تلعب ابعمري . . وخاف الغير يندلّك وأضمّك
اشجان ضرّك . .
تختصر بعدك عليه ؟
وكلّي شكرات وحمد
للمختصر . . حسنك ابخصرك
تشرب معافي . . حناني ولهفتي
وتسكر ابدمي . .
وتنتشي ابغيّ الشذى . .
وتتعزّل اعزال من اجرّك
ومن كبل .. كل شوك عمري من الطوارف
حسبت مثل الوداد .. الراح ودّك
من كبل .. وهسه الورع كحل اجفوني..
وجنت اظن...
وكت التهد بيه روحي اهدك ..
لني كلما فززن صبري الليالي ..
وخان وكتي
اتوسلك .. هدوة كت خليني عندك
او عاذرك .. لو هدل عودك ..
من كدر يحمل حسن مثلك وكدك ؟
عاذرك تغلط ابحكي ..
وتبخل ابظلك على النايم ابسدك
عاذرك تغتاض ..
بس من غير شاره ..
وشارتك هالبينت
ودخيل جدك
عاذرك .. عن لايهم كلبك ابهمي
وتنترس عينك دمع
وتسيل كحلته عله خدك
وأنا حاضر لتفسير الكلمات الغريبة